In memoriam  
Xosé-Luís Novo Cazón 
"Na procura da historia e da beleza" 
 (Xosé-Luís Novo Cazón: Tempus das Letras. 2009) 

Sempre o noso guía, seguiremos o itinerario que nos ensinaches

quarta-feira, 5 de março de 2008

10 Mulleres de Cine no Século XXI

Ao cabo dalgúns anos, quen queira ter unha idea de como era a sociedade do 2008 e que papel tiña a muller nela terá que botar man do cine.

Hoxe, adiantándonos aos acontecementos, propoñemos: dez miradas ao mundo feminino a través de dez historias que nos mostran diferentes etapas das súas vidas.

Comezaremos por ver aquelas que se incorporan ao mundo, pero pola vía da adopción e vindo de lonxe en La pequeña Lola.

Daremos unha ollada a aquelas nenas que disfrutan dunha infancia chea de comodidades e, ao mesmo tempo, chea de histerismo, falamos de Pequeña Miss Sunshine.

Moitas mulleres procedentes de outras culturas, por adopción ou emigración, deben loitar na súa xuventude por compatibilizar as súas tradicións co seu contorno e iso é o que fan en Quiero ser como Beckhamn.

E, seguindo coa inevitábel e marabillosa mestizaxe que nos invade, asistiremos á ruptura de tópicos que nos mostran en Las mujeres de verdad tienen curvas.

Pasada a xuventude: toca vivir e, se non se dan as cousas como se soñaron, é preciso poñerse á tarefa e tratar de cambialo todo e iso é o que fai Amelie.

Outras ven truncados os seus anhelos antes de poder mudalos, mais tratan de deixarnos un mundo mellor , como a protagonista de Mi vida sin mí.

En cualquera caso , a consigna é vivir dignamente e iso é o que tratan de facer as mulleres de Mataharis.

Claro que hai cousas que non mudan e os violentos
inimigos da convivencia e a igualdade fan das súas en
Te doy mis ojos.


mais, como dicía unha consigna, "podedes arrancar as flores, pero non impediredes a chegada da primavera". Vemos isto no mundo que inventa a granxeira de La suerte de Emma.

E acabamos cunha dura visión da idade madura en Diario de un escándalo. Que, se ben non nos mostra un gran exemplo de vida, si invita a unha profunda e última reflexión.

Buscade estas películas nas bibliotecas, nas tendas ou mesmo nas carteleiras e gardádeas na memoria. Veredes como, nuns poucos anos, se converten en documentos de vida deste 2008.


Traballo colaborativo dos Blogues das Bibliotecas Escolares Galegas en prol da IGUALDADE.
Se te queres unir a esta iniciativa, tes o código nesta ligazón.

Sem comentários: