Sen Arthur C. Clarke, mais coa súa grande obra para sempre

"Esta é a primeira época que dá moita atención ao futuro; e non deixa de ser irónico xa que, talvez, non teñamos ningún".
Quen isto dixo, o británico Sir Arthur C. Clarke, un dos maiores divulgadores da ciencia do século pasado, faleceu hoxe, con 90 anos, en Sri Lanka; alí residía desde hai décadas, ao lado do mar, unha das súas paixóns ("Que inapropiado chamar Terra a este planeta, cando é evidente que debería chamarse Océano").
Das más de 90 obras literarias, un dos que sería libro emblemático, o seu relato “A Sentinela”, acabou por ser adaptado ao cinema, co título de culto “2001: unha odisea no espazo”. Clarke e o realizador Stanley Kubrick partillaron o roteiro e, por ese traballo, tamén unha nominación da Academia de Hollywood para o Óscar de "Mellor argumento adaptado". O libro foi traducido a máis de 30 idiomas e a súa lectura, alén de acordar a imaxinación de moitas persoas, fixo con que xente que non tiña gusto pola lectura se apaixonase por ela.

Fagamos noso este seu desexo, manifestado no día que fixo os 90 anos:“Quero ser lembrado sobretodo como escritor. Quero entreter lectores e -espero eu– conseguir tamén esticarlles a imaxinación."


Para saber máis:
Kubrick 2001: O Odisea do espazo explicada
Arthur C. Clarke