In memoriam  
Xosé-Luís Novo Cazón 
"Na procura da historia e da beleza" 
 (Xosé-Luís Novo Cazón: Tempus das Letras. 2009) 

Sempre o noso guía, seguiremos o itinerario que nos ensinaches

terça-feira, 14 de março de 2017

"Fálame da emigración" (2º encontro)

Os alumnos de 2º A, que participaron no proxecto “Fálame da emigración”, en colaboración con Afundación (obra social de Abanca) tiveron o 2º encontro desta actividade. Na primeira parte escoitaran experiencias de persoas da terceira idade que foron emigrantes en distintos países.
Agora, despois de facer unha investigación na súa familia, oito alumnos expuxeron, para esas mesmas persoas e para os seus compañeiros, as historias que viviron os seus parentes.
Como remate da actividade fixeron unha análise conxunta das causas, consecuencias e circunstancias da emigración galega ao longo dos dous últimos séculos.

 Carmen e Clara quixeron expoñer as súas impresións que deixamos a continuación.
 
A miña impresión tras compartir a experiencia dos valentes que viviron a emigración foi moi enriquecedora.
Teño oído dicir que “quen non pasou fame, non pode falar dela” e hoxe, por fin, entendo o que quere expresar. Cando un só fala desde a cabeza, non pode transmitir o que sente desde o corazón. As persoas que viven unha situación así e a contan, non contan só unha historia, senón que tamén comparten as emocións e os sentimentos que viviron.
Só se pode explicar un sacrificio tan grande como é deixar as comodidades e a seguridade do fogar pola aventura do descoñecido e o medo que deberon sentir, se se pensa no inmenso amor e a necesidade de levar o pan para a casa.
Esa necesidade, movida polo amor á familia, é case a única maleta que levaron os que marcharon da nosa terra sufrindo soidade, penurias, morriña e medo, e que se enfrontaron a todo coa coraxe dos valentes.
Por iso quero honrar a esta xente con todo o meu respecto e admiración, e, a partir de hoxe, sentirme agradecida a aqueles que un día o deixaron todo polos que quedamos aquí. Grazas.
Carmen Victoria González Fernández (2º A de ESO)


Esta experiencia  pareceume moi boa e entretida, tanto para os nenos como para os anciáns e demais participantes. Nunca pensei que un neno de 13 ou 14 anos e unha persoa de 80 se puidesen levar tan ben. É por iso que me gustou tanto, xuntar dúas xeracións totalmente distintas.
Tamén me gustou moito a idea de facer públicas as historias para que non queden no esquecemento.
Agora sei moitas máis cousas sobre a miña familia e sobre a emigración. Cambiou a miña percepción canto aos anciáns, nunca pensei que fosen tan simpáticos, amables e graciosos.
Sen ningunha dúbida repitiría esta experiencia que, polo menos para min, foi inesquecible. Paseino moi ben falando e facendo actividades con eles. Encantoume escoitalos e escoitar un anaco das súas vidas.
Clara de Castro Leira (2º A de ESO)
!
"Afundación#ç""$
&
(&
'*
)


Emigración on PhotoPeach
 

Clica aquí se queres ler os traballos que xa están publicados na páxina web de Afundación. Tamén podes ver máis fotos.

Sem comentários: