Alfabetización para a información

Nunha sociedade en que as formas de accedermos á información crecen e mudan con  frecuencia, é necesario sermos infoalfabetas, isto é, recoñecermos cando necesitamos unha información e, especialmente, sabermos como localizala, avaliar a fiabilidade da fonte que usamos para, finalmente, a usarmos adecuadamente.

Na biblioteca escolar do CPI da Cañiza, foron compilando materiais para elaboraren unha guía básica para a materia Investigación e Tratamento da Información; como  xenerosamente a disponibilizan no seu blogue, pareceunos oportuno deixala tamén aquí para a podermos usar.