In memoriam  
Xosé-Luís Novo Cazón 
"Na procura da historia e da beleza" 
 (Xosé-Luís Novo Cazón: Tempus das Letras. 2009) 

Sempre o noso guía, seguiremos o itinerario que nos ensinaches

quarta-feira, 12 de maio de 2010

Actos día das Letras




Acabamos unha semana chea de actos, actividades e reivindicacións que tiveron a lingua como protagonista na súa festa anual.

Queremos agradecer a participación de todo o alumnado e profesorado, e especialmente, a dos nosos convidados.

O xoves día 6 María Xosé Rodríguez e Luís Villares partillaron os seus profundos coñecementos da realidade sociolóxica e xurídica da lingua galega cargándonos de argumentos para a súa defensa. Para alén de datos e recursos pedagóxicos, María e Luís, dous xoves lucenses de recoñecido prestixio, mostraron un compromiso natural coa lingua que, con certeza, contaxiou a máis de un.

O luns día 10 Uxío Novo, fillo do homenaxeado Uxío Novoneyra, veu falar da vida e obra do seu pai, debullando as principais influencias que explican a súa poesía. Lembrou a súa infancia en Lugo, recitou poemas e achegou un ficheiro cunha impresionante lectura de Uxío pai dunha das súas creacións máis comprometidas: Vietnam.

En fin, un ano máis de festas, palestras e correlinguas cos que se pretende non esquecermos o resto do ano que o futuro do galego só depende de nós.

Sem comentários: