A defensa da lingua nun instituto de Galiza

Nestes días de festa ao redor das letras galegas agroman as iniciativas para a promoción e difusión da lingua. Entre elas destacamos, pola súa orixinalidade e gran calidade, esta do IES Pintor Colmeiro de Silleda, na que o seu alumnnado realiza un vídeo cunha performance inzada de frescura, alegría e coordinación. Unha posta en escena que amosa á comunidade educativa e a todo o país unha visión entusiasta chea de orgullo da presenza do galego no ensino, en contraste cos nubarróns negros cos que dalgúns sitios nos queren cubrir.