In memoriam  
Xosé-Luís Novo Cazón 
"Na procura da historia e da beleza" 
 (Xosé-Luís Novo Cazón: Tempus das Letras. 2009) 

Sempre o noso guía, seguiremos o itinerario que nos ensinaches

quarta-feira, 2 de março de 2011

Por e con Rosalía

Diferentes actividades tivéronnos ocupadas e foise ralentizando a información que deberíamos ter colocado por aquí. Pouco a pouco iremos dando conta daquilo en que ocupamos o noso tempo e que pode ser do voso interese.
A unha semana do aniversario do nacemento de Rosalía de Castro, celebrado no xa Día de Rosalía (24 de febreiro), presentamos unha memoria gráfica dun emotivo acto que, por convocatoria da AELGA (Asociación de escritores en lingua galega), se desnvolveu no Museo de Lugo. Alí estiveron, entre outras, Carla Taboada, de 1º de BAC C, sempre tan participativa. Carla conmoveu o público ao ler o poema Silencio, de Follas Novas.
Partillou lecturas con alumnado de outros centros de Lugo (Ceip Benigno Quiroga Ballesteros, Cpr María Auxiliadora, Ies Manuel Leiras Pulpeiro); tamén participou unha alumna do Colexio Fingoi, Sara, amiga de Carla e que, xenerosamente,substituiu a Antón Reigosa, de 1º D de BAC, que non puido asistir e ía ler Vamos bebendo, da mesma obra. Sara protagonizou a curta do mesmo nome que proxectamos na biblio durante a semana contra a violencia de xénero.

Sem comentários: