In memoriam  
Xosé-Luís Novo Cazón 
"Na procura da historia e da beleza" 
 (Xosé-Luís Novo Cazón: Tempus das Letras. 2009) 

Sempre o noso guía, seguiremos o itinerario que nos ensinaches

segunda-feira, 16 de maio de 2011

Letras Galegas. E. Guerra da Cal


Grande descoñecido na terra propia, foi nos EUA onde se formou e desenvolveu unha frutífera e intensa actividade literaria e académica. Profesor e director do Departamento de español e portugués do Washington Square College, desde mozo publica poemas en diferentes revistas; Lua de além mar  é o seu primeiro libro de poesía, seguido, entre outros, por Rio de sonho e tempo.  
No pasado 25 de abril, apresentouse Guerra Da Cal. Breve Antologia Poética e, ao tempo, o sitio conmemorativo do seu centenario, homenaxe  organizada pola Academia Galega da Língua Portuguesa  e apoiada por numerosas organizacións e colectivos (Associaçom Civil de Amigos do Idioma Galego, Associação de Docentes de Português na Galiza, Asociación de Escritores en Lingua Galega, Associaçom Galega da Língua, Associaçom Galega de Mães e Pais AGARIMAR, Associação Internacional dos Colóquios da Lusofonia, Associação Vogal, A Mesa pola Normalización Lingüística, Centro Social A Gentalha do Pichel, Fundaçom Artábria, Fundación Galiza Sempre, Fundaçom Meendinho, Fundación Via Galego, Instituto Cultural Brasil-Galiza, Instituto Galego de Estudos Célticos, Instituto Galego de Estudos Internacionais e da Paz,  Movimento de Defensa da Língua, Nova Escola Galega, Sociedade de Geografia de Lisboa, Universidade Aberta.)
 
Mañá, 17 de maio, ás 11h30, Ernesto Guerra Da Cal e Lois Pereiro partillarán homenaxe en Santiago de Compostela, diante do monumento dedicado a outro dos grandes creadores e estudosos da lingua, Ricardo Carvalho Calero.

"É um facto que a língua irmã contém, no seu nível rústico, quase todo o galego. Há que fazer -e isso e tão fácil!- que o galego contenha, no seu nível culto, o português".
(Ernesto Guerra da Cal, "Nota Preambular" a Lua de Além Mar e Rio de Sonho e Tempo, ed. AGAL, 1991)
 


Sem comentários: