Concurso Eustory, "Mi familia en la historia"

Rebuscar entre retratos familiares, álbums de fotos e cartas antigas, rememorar acontecementos familiares convertidos hoxe en lenda, escalar na árbore genealógico, entrevistar a veciños, visitar museos e arquivos locais, consultar os diarios doutras épocas nas hemerotecas. O Concurso Eustory volve cunha nova edición que achegará aos participantes aos membros das súas familias, ás súas propia historias na Historia. As anteriores convocatorias, "La vida de mis mis abuelos en loss años 50" e "Héroes e heroínas locales", dan paso ao tema "Mi familia en la Historia" no curso 2011/2012

.

O obxectivo? Rescatar a figura dalgún familiar ou familiares nun contexto histórico determinado e a partir de aí recompor a historia con metodoloxías e formulacións científicas. Todos forman parte da historia con maiúsculas. Eustory invita aos estudantes de 4º ESO, Bacharelato, FP e ESPA menores de 21 anos a descubrir aspectos inéditos da historia da súa contorna máis próxima.

Os traballos, que poderán realizarse nunha variedade de formatos, deberán remitirse á Real Maestranza de Ronda antes do 15 de agosto de 2012, día no que termina o prazo de presentación. Os premios? Ata 2.000 euros en metálico e a posibilidade de optar a participar nunha Academia Eustory, un seminario que reúne en cidades do continente aos mozos participantes de toda Europa para reflexionar sobre temas históricos concretos.

"Aprender investigando" é o lema deste concurso de historia creado en Alemaña pola Fundación Körber (Alemaña) fai medio século e compartido hoxe por varios países Europeos a través de entidades privadas como a Fundación Rei Balduíno de Bélxica, a Compagnia dei San Paolo de Italia, a fundación Karta de Polonia, a Sociedade Memorial de Rusia ou a Fundación Príncipe de Gales do Reino Unido. Na súa orixe, foi un intento de concienciar as novas xeracións sobre o desastre da segunda guerra mundial para asegurar que non volvesen darse as mesmas circunstancias que o provocaron. O certame celébrase en toda España organizado pola Real Maestranza de Cabalería de Ronda.

Os mozos convértense en historiadores do que os rodea e, para iso, informan sobre elementos clave da historia da súa contorna que non aparecen nos libros de texto. Deste xeito, os estudantes examinan e consideran a historia desde diferentes perspectivas e buscan as súas propias conclusións, libéranse a si propios dos prexuízos frecuentemente estabelecidos e desenvolven a habilidade de pensar con xuízo crítico. Neste sentido, sentan as bases dunha participación activa na sociedade civil.

Máis información
Página oficial de Eustory: http://eustory.es/
Ganadores de la 4ª edición de Eustory: http://eustory.es/blog/ganadores-de-la-4-edicion-del-concurso-eustory/
Material promocional: http://eustory.es/descargas/