Concurso 3D Mobile

d3mobile.es pretende que los estudiantes - de todo el mundo- nacidos entre 1998 y 2000 participen en un campeonato por equipos en el que se estimule su capacidad investigadora con la ayuda de su teléfono móvil y un ordenador personal. Deberán aprender, con la guía de alguno de sus profesores y el software que se les proporcionará, la técnica fotogramátrica básica, una metodología que con apenas dos tardes de estudio les permitirá hacer modelos tridimensionales a escala de objetos sencillos.

Bases del concurso: pincha aquí

Campionato Internacional de Modelado 3D co Móbil

A Universidade de Santiago de Compostela, baixo o financiamento da Fundación Española para a Ciencia e a Tecnoloxía (FECYT), convoca o Campionato Internacional de Modelado 3D de Precisión co teu Móbil: “d3mobile Metrology World League”.

A extracción de información matemática precisa e eficaz do noso ámbito resulta clave para o seu correcto estudo, e é nese punto onde a fotogrametría se presenta como unha opción de grande interese. Mediante este desafío preténdese achegar aos mozos os novos métodos de medición emerxentes, nos que é posible empregar instrumental tan familiar para eles como o seu propio teléfono móbil.

Poderán participar todo o alumnado de Centros de Ensino de calquera país do mundo, con idades comprendidas entre os 15 e 17 anos.

Para participar será necesario formalizar a inscrición por equipos, formados por entre 2 e 4 alumnos/as e un profesor responsable que será o líder. Un mesmo profesor poderá tutelar tantos equipos como grupos de 2 a 4 alumnos/as sexa capaz de formar, deste ou de diferentes cursos, (ata un máximo de 6 equipos). En calquera caso, só se concederá un premio por centro escolar sobre a base da puntuación total lograda.

O prazo de inscrición permanecerá aberto ata o 5 de marzo de 2015.

Máis información no acceso web do concurso; pincha aquí

Concurso audiovisual "Te veo en 3 minutos"

A Fundación Princesa de Asturias (FPA) convoca a primeira edición do concurso "Te veo en 3 minutos", dirixido ao alumnado de Educación Secundaria Obrigatoria e Bacharelato de España, sobre os galardoados co Premio Príncipe de Asturias en calquera das súas categorías e edicións.

Os estudantes que desexen participar deberán realizar traballos de tipo audiovisual mediante o uso de dispositivos dixitais 

Bases: pincha aquí

O prazo para a recepción dos traballos finalizará o 28 de febreiro de 2015 ás 23:59 horas

Concurso de curtas co movil

Concurso organizado pola Axenda de Modernización Tecnolóxica de Galicia (AMTEGA). Xunta de Galicia

1. Obxectivo do concurso

• Explorar e dar a coñecer a creatividade audiovisual dos mozos e mozas, a través da gravación de micromovies.
• Fomentar o traballo en equipo dos mozos e mozas, así coma o uso da Lingua Galega nas TICs.
• Sensibilizar sobre a importancia do desenvolvemento tecnolóxico da Comunidade e dar a coñecer a estratexia global tecnolóxica impulsada pola Xunta de Galicia.

2. Características dos participantes

2.1. A participación no Concurso é gratuíta e diríxese a persoas matriculadas na ESO ou Bacharelato da Comunidade Autónoma de Galicia, cunha idade comprendida entre 14 e 18 anos (ambas as dúas inclusive).
2.2. Neste concurso poderase participar tanto individualmente como por grupos dun máximo de 5 persoas. Este punto ten como finalidade fomentar o traballo en equipo.
2.3. Cada centro educativo inscribirá ao número de grupos ou persoas participantes que considere axeitado, coa única limitación dunha única curta por equipo-grupo.
2.4. Cada equipo designará un titor que forme parte do persoal docente do centro educativo. A súa tarefa será velar polo cumprimento das normas do concurso e levar a cabo a inscrición e a entrega das curtas para o concurso.
2.5. Non poderán participar menores de 14 anos, persoal empregado das entidades organizadoras e colaboradoras nin os seus familiares directos; tampouco se poderá presentar o persoal empregado nin os familiares directos de calquera empresa que participe baixo contrato na promoción ou na xestión técnica do concurso.

3. Inscricións

Os centros educativos interesados en participar, realizarán a súa inscrición gratuíta a través dun formulario online dispoñible no Blog Xente Dixital (http://blog.adg2020.es/). Xunto á cumprimentación do formulario o/a titor/a do equipo deberá achegar o link ao vídeo que debe ser previamente subido a unha canle de YouTube do centro educativo ou titor/a.

O prazo de inscrición está aberto dende o 15 de setembro de 2014 ata o 30 de outubro de 2014 (amplíase ata o 30 de novembro) (que coincidirá co prazo de entrega da curta).

Concurso "Palabrasinpapel"

O concurso Palabrasinpapel pretende fomentar a creación literaria entre os alumnos de Ensino Secundario de toda España utilizando como aliados as novas tecnoloxías. Grazas ao incentivo deste concurso, os teléfonos móbiles, ordenadores portátiles ou tabletas converteranse en soportes da palabra, co obxectivo de crear un vídeo poema que cumpra cos seguintes requisitos:

• un texto literario e orixinal, escrito por un dos membros do equipo. No caso de que o texto non estea escrito en español, deberá enviarse a súa tradución a este idioma.
• banda sonora orixinal
• o vídeo ou a imaxe fixa utilizada tamén debe ser orixinal
• duración máxima de 3 minutos
• ao final do vídeo poema teñen que aparecer os nomes do alumnado que participou na súa realización (máximo 3 alumnas ou alumnos).

Período de recepción dos poemas: 1 de outubro de 2014 – 31 de xaneiro de 2015

Na páxina web do concurso poderán subirse todos os vídeo poemas, facer un seguimento e votarse o premio especial do público, así como consultar as bases do concurso e outra información relevante: pincha aquí

Como sentar correctamente diante do ordenador

Sentar diante do computador durante un tempo require unha postura determinada, se un non quere acabar con dor de costas ou de pernas. Presta atención a este vídeo para evitar estés problemas

Rosa I. Parapar, a camiño do pión. Parabéns!

Así é: nos Premios  Espiral de Edublogs, un pión representa a enerxía que a Asociación Espiral quere transmitir á blogosfera e simboliza o premio recoñecedor do traballo realizado por profesorado e/ou alumnado en blogues educativos.

Emocionámonos e alegrámonos moito por ser English for You, Rosa´s Blog, o blogue da profesora Rosa I. Pérez Parapar, un dos finalistas na categoría  Blogues de Profesorado: un merecido recoñecemento a un labor diario e que ocupa un tempo considerábel que, xenerosamente, oferece a alumnado e visitantes.


A Asociación Espiral, creadora do certame -neste ano con EducaRed-, é un colectivo integrado por profesorado, persoal técnico, persoas dedicadas á investigación, estudiantes e outras entidades con interese na promoción e na aplicación das tecnoloxías da información  e a comunicación na educación (TIC).

É de agradecer a promoción que supón a convocatoria destes premios, un referente xa para coñecermos blogues educativos que paga a pena seguir porque, na maioría, constitúen un fantástico apoio fora da aula -ou nela-. As Bibliotecas Escolares Galegas saben ben isto porque levan varios anos apresentando os seus blogues e, en ocasións, conseguindo o premio. Neste ano, volta a ser finalista Iniciarte, sitio moi unido ás Bibes Galegas e cuxa interesante información podedes ver na columna dereita deste noso blogue.


Parabéns, Rosa!. Con peón ou sen el, o premio está xa contigo e con quen seguimos o teu sitio.