Club de lectura interxeneracional

O 15 de maio, os alumnos do noso club de lectura de 2º e 3º de ESO tiveron un encontro co club de lectura de maiores de Afundación, obra social de Abanca. O encontro tivo lugar na sede social de Afundación. 

O libro obxecto de debate foi Corazón que ríe, corazón que llora, da autora caribeña  Maryse Condé, premio Nobel alternativo do ano 2018.

Club interxeracional

 O pasado xoves 18 de maio tivo lugar na nosa Biblioteca a última xuntanza do Club de lectura interxeracional. O libro de lectura compartida foi Historia de un perro llamado leal de Luis Sepúlveda, unha fábula sobre a amizade ambientada no contexto da sociedade mapuche e a súa loita contra os opresores que pretenden quitarlles as súas terras.

Club de lectura interxeracional on PhotoPeach

O Club de lectura: unha boa elección!

Chámome Jesús Castro e estou en 2º da ESO. Entrei no Club de Lectura Ollos Grandes cando estaba en 1º e podo dicir que foi un gran acerto. Esta actividade abriume novas portas sobre a literatura e fixo o curso máis divertido.

O ano pasado tiven unha reunión cun Club de Lectura formado por personas da terceira idade. Foi interesante saber o que lían e descubrir que non tiñan gustos tan diferentes aos nosos, ademais foi divertido xa que eles tiñan varias anécdotas que nos contar.

É unha experiencia que recomendo a todo o mundo, pero en especial a xente que é coma min. A xente que vive e sente os libros.

Fran Alonso na Biblioteca

   Os alumnos pertencentes ao Club de Lectura, que dirixe Esther Rodríguez, tivemos a oportunidade de asistir a unha reunión co escritor Fran Alonso, autor do que leramos libros coma Cartas de Amor ou A punta de pistola.

 

     Resultou unha experiencia moi interesante e enriquecedora xa que puidemos aprender como se xestou a realización deste segundo libro nunha presentación organizada polo escritor na que tivemos ocasión de ver os resumos e borradores previos á redacción desta obra literaria, presentada ao XII concurso do xornal La Voz; aspectos da vida dos personaxes, a historia de Celia Rivas, muller real reflectida na historia; a forma de escribir a partir do secuestro dun rapaz organizado polos seus pais acaecido na realidade e recollido nunha noticia publicada nos xornais, ou as dificultades do autor á hora de escribir o argumento e adaptalo ao número de caracteres establecidos nas normas do concurso.

 

    Ademais tratouse o tema das novas tecnoloxías aplicadas á literatura e Fran Alonso adiantounos a obra en formato dixital que está a preparar. 

Alexandre Porto (4º ESO B)

                      

Fran Alonso na Biblioteca Ollos Grandes on PhotoPeach

Club de lectura

 Lembrade que hoxe xoves, ás 11:15, os que integrades o club de lectura de 2º eso, tedes unha reunión na biblioteca.

Club de lectura



Lembrade que hoxe mércores, ás 11:15, os integrantes do club de lectura de 3º eso, tedes reunión na biblioteca.

Club de lectura

Lembrade as próximas reunións do club de lectura Ollos Grandes :

•  3º eso 20  de febreiro (mércores, 11.15, na biblioteca) Libro de lectura: A coroa de Napoleón de Santiago Jaureguízar (hai exemplares na biblioteca)
• 2º eso 21 de febreiro  (xoves, 11.15, na biblioteca)

  Libro de lectura: Persépolis de Marjane Satrapi (hai 3 exemplares na biblioteca e 2 copias en soporte dixital)
• Profesores: 26 de febreiro  (martes, 6 da tarde, na  biblioteca)  Libro de lectura: El público, de Bruno Galindo (hai 5 exemplares na biblioteca)