Coñécelo? Coñecéndoo, esperamos que nos deixes nos comentarios noticias sobre el, onde o
encontrache, como foi o encontro... o que che pareza.
Se aínda non o coñeces -como acontece a moitas persoas- será que es moi xoven ou que non andas moito polo Caurel, polo Cebreiro ou polos Ancares: o Apalpador frecuentou sempre esta terras tan formosas e nestes lugares quérenlle máis que ao foráneo Papá Noël, con quen o Apalpador non se dá moito porque o anda privando do territorio que lle pertencía, apoiado, en especial, polas televisións e os grandes centros comerciais.
Sempre aparece por Ano Vello, mais vive nas devesas e aínda se dedica a facer carbón; este grandallón veste roupas vellas e boina e fuma en pipa.
O nome débeo a que, na noite do 31 de Decembro, gusta de apalpar as barriguiñas de nenas e nenos que estexan durmindo para ver se teñen fame ou non e, segundo o deducido da observación, déixalles máis ou menos castañas para se alimentaren.
Din que nos tempos de hoxe, como fame non se pasa por aquí, deixa outros produtos, máis acordes con necesidade e desexos dos apalpados (apesar de que xa non lle é necesario, parece que se avezou e continúa apalpando... para non perder o nome).
Hai que di que desaparecerá de Galiza se a xente non lle dá a atención que recibiu durante séculos e se o Papá Noël segue nas trece de o erradicar. É bon, entón, que lle fales del ao máximo número de persoas que poidas, nomeadamente á xente noviña. A ver se, formando unha cadea e regalándolle os ouvidos, conseguimos que non nos deixe.
Podes informarte mellor
aquí e
aquí
