Fina Casalderrey na RAG

 

 

A RAG (Real Academia Galega) acaba de elixir a Fina Casalderrey como académica numeraria. 

Con Fina entra na Academia unha muller (por méritos propios), pero tamén a literatura infantil e xuvenil. Diso vai tratar o seu discurso de entrada,  escoitaremos esas palabras que tratan desta literatura non sempre asumida como LITERATURA (con maiúsculas).

Realmente estamos de noraboa, pois sentímonos moi ben representadas por esta muller que, entre outros, conta con Premio Nacional de Literatura Infantil e Xuvenil. Unha muller que ademais é mestra (acaso se deixa de ser por non ir xa á escola?) e, polo tanto, mediadora do libro. Unha académica de luxo!

 

Esta é unha publicación colectiva de Bibliotecas Escolares Galegas, orixinariamente divulgada pola Asesoría de Bibliotecas Escolares en Rede Lectura. Parabéns, mestra!