Cadro dixital

Offtype.net é un medio para creares as túas imaxes en liña fácil; o seu uso é rápido, entretido e gratuito.
A imaxe resultante será salvada no offtype.net e pode ser usada em calquera lugar na web. Podes colocala no teu blogue, no correo electrónico, nun chat, etc.

Enxeñaría Xenética

O profesor Jaime Castro, doutor en Bioloxía e docente na Facultade de Veterinaria da USC, falou no pasado día 15 para o alumnado de bacharelato sobre Enxeñaría Xenética.
Mostrou os aspectos máis actuais das técnicas seguidas na Enxeñaría Xenética e as súas aplicacións nos campos da Medicina, Agricultura e Gandaría. O profesor Castro, de feito, integra un notábel grupo de investigación na facultade en que exerce a docencia e que está dirixido por Paulino Martínez.
O auditorio asistiu con moito interese a información, nomeadamente o alumnado de 2º, mais o tempo de que se dispuña impediu que chegase a producirse un debate; é por iso que convocamos a quen ali estivo a deixar aquí impresións e comentarios.

Ponlle Imaxe ás Matemáticas

Hoxe fallouse o XIII premio "Ponlle Imaxe ás Matemáticas" que desde hai trece anos vén organizando con éxito o Departamento de Matemáticas.
As fotografías están expostas no corredor da planta baixa do instituto.
Parabéns a quen gañou e a quen participou:

1º PREMIO (90 € e diploma)

"N(m,s)" de Miguel López Fraga, 2ºA Bac

2º PREMIO (60€ e diploma)

Alejandra Rodríguez Llerena, 2ºC Bac

3º PREMIO (30€ e diploma): ex aequo

Estela Quijada Viña, 3º D ESO
"Representación de funciones polinómicas" de Beatriz González Vázquez, 2ºB Bac

ACCÉSITS (10 € e diploma)

"Los números siempre presentes" de Aline Blanco de la Rosa e Sara Puente Blanco, 3ºD ESO
"El jardín de la geometría" de Miguel Fernández Alonso, 4ºB ESO
"Regla de tres" de Joseph Barrios Rojo, 4º D ESO
"Regla de tres" de Miguel Vilar Paz, 2ºA Bac
"Tronco de Cono" de Alberto Fernández Arrojo, 4ºD ESO
"Raíces naturales al cuadrado elevadas al cubo de plástico" de Cristina Soto San Sánchez, 1ºA ESO
"Producto" de Laura Yañez García e Gabriela Vila Sánchez, 3º D ESO
"La media y la moda" de Ana Rodríguez Álvarez, Laura Rodríguez de la Sierra, Laura Sanjuan López e Angela Tojeiro Lorenzo, 3ºD ESO
Serie "As señais e a xeometría" de Álvaro Gayoso Yáñez, 1ºA ESO

DIPLOMA:

Alba Álvarez Vázquez, 2º ESO - A
Adrián Carballés Rego, 2º Bac - B
Elena Centelles Vázquez, 1º Bac - A
María Díaz Paredes, 3º ESO - D
Andrea Dorado López, 3º ESO - D
Sofía Fernández Besteiro, 1º ESO - A
Carlota García Prado, 2º ESO - A
Pablo López Fraga, 1º ESO - C
Sandra López López, 3º ESO - D
María López Quiroga, 4º ESO - B
Julieta Pose Boiracian, 1º ESO - A
Catalina Romay Maiz, 1º ESO - A
Pablo Tarrío Goy, 2º Bac - B

Tibble Fristående Gymnasium, até breve

Desde hai un mes, como en anos anteriores, están con nós 28 alumnas e alumnos, acompañados de profesorado do Tibble Fristående Gymnasium de Täby, Estocolmo.A visita enmárcase dentro do programa de intercambio que, co título "In Search of Vikings", dirixe o profesor deste centro Juan Carlos García Lorenzo.
Mañá é xa o día en que regresan e antes, alén de lles agradecer todo o que de enriquecedor tivo a súa estadía no noso instituto, queremos convidalos desde aquí a compartir o sitio de encontros que quere ser este blogue, animándoos a enviar comentarios e colaboracións desde o "noso" centro da Suecia.
Moi boa viaxe de volta e até a próxima.
Tibble Fristående Gymnasium de Estocolmo
Täby

Multiplicando esforzos pola lingua

No sábado 16 de Febreiro, o Verbum de Vigo acolleu unhas xornadas organizadas pola Associaçom Galega da Língua que respondían ao título "Somando esforzos pola língua"; máis un paso no camiño da dignificación e normalidade para o noso idioma. A seguir, podes escoitar as acertadas palabras do sempre lúcido J. Guisan Seixas:

Maria

Filmes ao teu dispor

Iniciamos aquí unha sección dedicada a informar e comentar audiovisuais que temos ou imos comprando e que están ubicados na Aula de Vídeo para o uso de todas e todos.


Agradecemos xá que deixedes aquí os vosos comentarios sobre obras vistas e/ou suxestións de compras daquilo que consideredes interesante.


Un documentario recente é "Una verdad incómoda":

TITULO ORIXINAL: An Inconvenient Truth
ANO: 2006
DURACIÓN: 96 min.
PAÍS:EUA
DIRECTOR: Davis Guggenheim
GUIÓN: Davis Guggenheim
MÚSICA: Michael Brook
FOTOGRAFÍA: Davis Guggenheim
REPARTO: Documentary, Al Gore
PRODUTORA: Paramount Classics
WEB OFICIAL: http://www.climatecrisis.net/

2006: 2 Oscar: mellor documental, mellor canción.
SINOPSE: Documentario sobre os efectos devastadores da mudanza climática. O ex-vicepresidente norteamericano Al Gore mostra un contundente e preocupante retrato da situación do planeta, ameazado polo aquecemento global provocado polas inxentes emisións de CO2 por parte da acción do home. Un documental cuxa lexenda reza: "De lonxe, a película máis aterradora que verá jamais". (FILMAFFINITY)

Aurelia.

21 de Febreiro: Día Internacional da Lingua Materna

Hoxe celébrase o Dia Internacional da Lingua Materna, entendéndoo como “punto de referencia para o estudo de iniciativas destinadas a promover as linguas”, segundo informa Koïchiro Matsuura, Director Xeral daUNESCO; esta Organización ten a encomenda da ONU de coordenar as diferentes actividades a desenvolver con motivo de ter sido declarado este ano 2008 como o Ano Internacional das Linguas.
K. Matsuuma opina que é preciso encoraxar o delineamento e a aplicación de políticas que capaciten todos os pobos para usarem a sua primeira lingua, ou lingua materna, da forma mais ampla e frecuente posíbel, ao tempo que anima os falantes a dominaren outra lingua "rexional ou nacional" e unha ou dúas internacionais.
Calquera acción social, administrativa, persoal que se desenvolva para preservar a diversidade lingüística é boa para as linguas minorizadas; mais consideramos que o termo "lingua materna" non é o máis adecuado, ao menos do punto de vista social, para designar a lingua propia dunha comunidade.
Máis información:

http://portal.unesco.org/culture
http://www.eurolang.net

Maria

Oliveira Guerra en Lugo

Até o próximo día 22 de Xaneiro, na Escola de Linguas (EOI) de Lugo podemos ver unha exposición centrada en Manuel de Oliveira Guerra (1905-1964), elaborada pola Biblioteca Municipal de Vila Nova de Gaia, difundida na Galiza grazas á Associaçom Galega da Língua e aberta en Lugo mercé ás xestión do profesorado do Departamento de Português da Escola.
Poeta, contista e fundador da revista "Céltica. Caderno de Estudos Galego-portugueses"(Porto, 1960-1961),Oliveira Guerra foi un grande apaixonado da Galiza, da súa cultura e literatura e do relacionamento luso-galaico; é por iso que promove -e mesmo sufraga- esta revista que, alén de autores de Portugal, recolle numerosas colaboracións galegas nuns anos en que na Galiza aínda non era fácil publicar con liberdade: Manuel María, González Garcés, os irmáns Carré, X.M.Álvarez Blázquez, C.E.Ferreiro, Pura Vázquez, entre outras voces.
A imaxe corresponde coa carátula dunha antoloxía dos seus sonetos publicada no pasado ano.
Maria