Lois Pereiro: 7 a 1 (1)

Apostamos por Lois Pereiro. Queremos que a  forza que o fixo batallar coa  morte, vencéndoa varias veces, e a memoria  da súa vitalidade, inmortal nos seus escritos, contaxie quen o le.

É por iso que, como contributo mínimo  na súa honra, cada un destes sete dias que faltan para o da efeméride a el dedicada neste ano, deixaremos aquí a súa palabra:

Clica para coñeceres a fonte

Degradación

Unha bola de neve

que leva dentro sombra e pesadelos

dirixida ó centro máis negro 

da conciencia,

unha bola con nome que devala
e o destino marcado

sinalado o camiño desde sempre.

Dado por morto por segunda vez

ata o inferno rexeita 

ter que cargar comigo

e denégame a solicitude.