Día das letras galegas

O vídeo que segue contén o poema A fala de Manuel María, un breve percorrido pola historia das Letras Galegas e o poema  o Melro interpretado por Uxía e Xabier Díaz.

Manuel María

O escritor lucense Manuel María Fernández (Outeiro de Rei, 1929- A Coruña, 2004) será o autor homenaxeado no Día Das Letras Galegas 2016.

Poema "Galicia", de Manuel María, cantado por Fuxan os Ventos

Galicia

Manuel María Fernández

Galicia docemente
está ollando o mar:
ten vales e montañas
e terras para labrar!

Ten portos, mariñeiros,
cidades e labregos
cargados de traballos,
cargados de trafegos!

Galicia é unha nai
velliña, soñadora:
na voz da gaita rise,
na voz da gaita chora!

Galicia é o que vemos:
a terra, o mar, o vento...
¡Pero hai outra Galicia
que vai no sentimento!

Galicia somos nós:
a xente e maila fala
¡Se buscas a Galicia
en ti tes que atopala!