"Querido Luis, ..." por A. Muñoz Molina

Querido Luis

X. L. Novo Cazón

Sumámonos a este recoñecemento con que a  veciñanza de Noche  honra o noso caro compañeiro -tamén veciño- Xosé Luís Novo Cazón.
 Reproducimos o artigo publicado por Xulio Xiz en La Voz de Villalba:

As nosas xentes descobren, cada día, novos xeitos de honrar a conveciños que se distinguen no traballo a prol dos demais, ou por accións que benefician á  colectividade.

Ata non hai moito tempo, só sabiamos das declaracións que facían os concellos de Fillo predilecto ou fillo adoptivo para honrar aos nacidos no concello ou aveciñados nel que tivesen un relevante papel social. Pero agora hai outros nomeamentos, como o de que en Guitiriz nomeasen a Alfonso
Blanco Torrado “veciño necesario” daquela comunidade, chegando á conclusión de que o crego Alfonso, co seu traballo relixioso, cultural e social, é imprescindible para Guitiriz e a Terra Chá, como todos sabemos desde hai moito tempo.

Outro exemplo témolo en Bazar, de Castro de Rei, onde a parroquia ten proclamado veciño de honra a Anxo Lamas, escultor, pero tamén pintor e poeta, do que o pasado venres se presentou o libro “Tebras” na casa da cultura de Castro Ribeiras de Lea.

E agora en Vilalba, en Noche, temos á Asociación Nausti que vai honrar o sábado a un dos seus veciños, o máis sobranceiro, José Luis Novo Cazón, cun xantar popular e dándolle o seu nome ao novo centro social erixido no edificio que foi escola parroquial.

Unha placa no edificio dará o nome deste escritor, profesor e historiador que volveu ás súas raíces, e vive en Noche, despois de acreditar un importante papel como home de letras, de investigación e espallamento da cultura, e que desde agora identifica, imprime personalidade e humanidade,
ao centro social da parroquia.

As declaracións oficiais dos concellos nomeando fillos predilectos e adoptivos están moi ben, pero ás veces presentan problemas políticos porque algún grupo pode non estar de acordo coa declaración. E moitas veces son lentas, que se dan a xente que ten a súa vida feita, e chegan ao remate da vida, cando non é a título póstumo. Sen embargo estas declaracións parroquiais ou asociativas, populares son naturais, espontáneas, sinceras, e veñen sempre no momento axeitado, cando o homenaxeado está no mellor da vida.

Unínomos a esa homenaxe popular en Noche ao veciño máis sobranceiro, e dámoslle a noraboa ao profesor José Luis Novo Cazón, pero tamén a todos os veciños de Noche por saber mirar arredor de si e recoñecer o papel do profesor e amigo en Vilalba e na Terra Chá. Noraboa a todos, e que cunda o exemplo de recoñecer aos veciños destacados das nosas parroquias o seu traballo e a súa relevancia social.

31 presentes de García Márquez

Con motivo do seu 85 aniversario, Gabriel García Márquez decidiu dar permiso para descarregar legalmente 31 das súas obras; entre elas, a máis admirada, Cien años de soledad, e a que el considera mellor lograda, El coronel no tiene quien le escriba.
Non hai xa desculpa para non se deliciar con estas lecturas que garanten momentos de vida.
O noso agradecemento polo presente e polos escritos!
Aqui están as 31 obras

Sánchez Ruipérez

Talvez estes apelidos sexan descoñecidos, mais Germán Sánchez Ruipérez e as Bibliotecas Escolares teñen intensa relación.

Por veces, a morte de alguén acorda en nós débedas non satisfeitas. É o caso deste mecenas dos libros e a lectura, falecido onte.

A súa fundación -Fundación Germán Sánchez Ruipérez- é unha importante fonte de recursos educativos, relacionados co libro e a lectura, a que acudimos con frecuencia desde as bibliotecas escolares;  ten como obxectivos primeiros o estímulo das variadas formas de creación cultural e a contribución "ao fomento da lectura, á innovación educativa e ao desenvolvemento dos estudos universitarios", por palabras do seu presidente e fundador, agora falecido.

En perspectiva tiña a Casa del Lector -de próxima inauguración-, que pretende ser un centro internacional para a investigación, o desenvolvemento e a innovación na lectura.

¡Feliz aniversario del blog!

¡Gracias a María, creadora y alma de este blog que es un pozo sin fondo de información y de materiales, donde una podría perderse - por trabajo o por placer!

Éste es mi regalo para ella y todos los lectores, espero que os guste (gracias a Vity por el enlace)

Unha linda historia

Que esta flor sirva de agradecemento, primeiro a José Saramago por nos ter deixado esta e tantas formosas historias e palabras; obrigada agora a quem colaborou con comentarios ou entradas ou leituras neste blogue, ás persoas que, co seu labor, fixeron e fan con que esta biblioteca chegue a ser algún día, "os ollos do cole", como dicia unha colega de outra biblioteca amiga.
Para quen gosta das historias, das palabras, das leituras.
Bon descanso!