Outras conspiracións pola paz

Fermoso vídeo de Amnistía Internacional

Colaboracións de 2º C ESO

Exposición: cartaces de Mateo Mendaña, traballos de alumnado de 1º ESO, libros, filmes…

30 de Xaneiro. Conspiración pola Paz

Antoloxía Poética Intercultural
Bibliotecas Escolares Galegas

Get your own - Open publication

• PAZ?????????????
• PAZ: PAM!. Balas. Confusión, asasinatos, bombas.
• PAZ: PAF!. Golpes. Cambadelas da vida cotiá. Rancor. Violencia.
• PAZ: PAZZZZZZZZZZZZZZZZZZZZZZZZZZZZZ. Soño. Sono indiferente da irresponsabilidade.
• Non é un xogo. É a fraxilidade da palabra. Espello fiel da inestabilidade do seu significado.
• Utopía imposíbel.
• Palabra que xera poesía.
• Poesía? Poesía e Paz.
Esta é a nosa proposta: un mundo reinado pola esperanza das palabras, palabras sublimes que permiten melodías, risos, soños... PAZ.
Xesto simbólico o das Bibliotecas Escolares, que novamente unen voces, azos e esperanzas. A través do mosaico que supón, por fin na nosa comunidade, a integración de diferentes cores, razas, linguas... chega a poesía capaz de expresar unha mesma arela. O frenesí da humanidade dominado pola forza da palabra. Unidos contra a ignominia da morte inxusta, das violacións das mulleres, da violencia extrema, da existencia dos nenos-soldado, da vinganza. Optamos polo silencio das palabras, da súa mudez. Porque a súa música festexe os días de coñecemento. Porque os aloumiños que desprenden estas balas sexan quen de recargar o porvir. Porque o nosos pentagramas debuxen as fusas non confusas da ilusión, do mañá cargado de bombas de papel. Papeis que falan de sorrisos, de amores, de xustizas. Papeis convertidos en poesía.
Hoxe, o noso alumnado, dende esas diferenzas que os converten en iguais, transfórmanse en trasnos portadores de equidade. Dende o pasado poético ao presente sonoro, ao futuro harmonioso.
• Tanques de algodón
• Armas de caramelo
• O noso soño
• O noso desexo
• A nosa conspiración.

Disparos pola paz desde:

Blog da Biblioteca do IES Alexandre Bóveda. Vigo.

O Segrel do Penedo. IES de Fene. Fene. A Coruña.

Mesturas>. IES Sánchez Cantón. Pontevedra.

Bibliobelesar>. CEIP de Belesar. Belesar. Pontevedra.

Biblioandrade.> CEIP de Andrade. Pontedeume. A Coruña.

Bemilladoiro>. Biblioteca do Ceip. Milladoiro. Malpica. A Coruña.

Biblioteca Olhos Grandes. IES Nosa Señora dos Ollos Grandes . Lugo

Biblioteca do CEIP de Pazos. Ferrol. A Coruña.

Biblioteca do Cole. CEIP Quintela de Moaña. Pontevedra .

Cadernos de Vide. Escola Unitaria de Vide. As Neves. Pontevedra.

Biblioteca Brea Segade. C.E.P. Xose Mª Brea Segade. Taragoña. Rianxo.

Biblioteca IES de Sanxenxo. Sanxenxo. Pontevedra.

Biblioteca IES R. O. do Uruguai. Vigo.

Biblioblogreboreda>. Ceip Santo Paio de Abaixo, Reboreda. Pontevedra.

Biblioteca Colexio de Cervo. CEIP de Cervo. Lugo.

Bibliochispi. CEIP A Laxe-Marin. Pontevedra.

Participa tamén neste proxecto o blog Trafegando Ronseis

E, agora, voces amigas do instituto len pola paz (podedes seguir os poemas aquí ou no Issuu inicial:

Voz de Marcelo Egídio:



Voz de Carmen Lozano:



Voces de Vanesa F. Eiras, Rut F. Otero, Desirée G. Abelaira, Noelia L. Otero, Sheila F. Rodríguez, Nadia M. Raposo e Ana R. Rolle:


Voz de Bianca de San Juan Garcia:

II Liga de Debate

Queremos unir os nosos ánimos aos que xa ten o alumnado que está participando, desde hoxe e até ao próximo día 1, na II Liga de Debate, en Santiago; forza tamén para a profesora Auri Penas Roibás, que preparou e acompaña a equipa participante.
Que os vosos argumentos teñan o peso suficiente para convencer e vencer.
Seguiremos informando.

Magnífica noticia

Concursantes do instituto

Viva! Viva! Viva!
Acabamos de saber que Samuel Darriba Real, de 2º F, é o gañador do concurso de tradución Juvenes Translatores, convocado pola Comisión Europea. A tradución de Samuel foi considerada a mellor de España.

Recordamos que no día 27 de novembro tivo lugar, simultaneamente, unha proba de tradución en 393 centros dos 27 países da Unión Europea; nela participaron 2237 alumnos.
O premio consiste nunha viaxe a Bruxelas do 2 ao 4 de abril, para o gañador e un familiar, asistindo ao acto de entrega de premios.

Parabéns, Samuel! Parabéns aos demais participantes do instituto e a todas e todos os premiados.

Esperamos que nos contes neste blogue a experiencia que vives.

Dosier Cachai

Dosier Cachai: Aula Aberta de Filosofía: Eis a actividade teatral que presenciaron 127 alumnas e alumnos de 2º de bacharelato do instituto e que se desenvolveu no auditorio Gustavo Freire, co patrocinio da Concellalía de Cultura.

En base a unha obra de teatro que presenta as vivencias de dous irmáns que quedan orfos, como consecuencia da represión acaecida despois do golpe de estado de Pinochet, en Chile, oferécese unha reflexión sobre as implicacións que afectan a cidadanía por causa das decisións políticas e búscanse as bases antropolóxicas da opresión, da inustiza, da fame, da tortura...
o xogo que se propón é pensarmos o mundo de hoxe, pensármonos a nós propios, pensarmos os outros no mundo globalizado en que vivimos.
Para saber máis podes ler isto, e, aprenderás que Cachai é, antes de máis, unha reivindicación da lucidez, saberás da orixe da palabra e outras informacións atractivas.
Agradecemos que vós, que vistes a representación, nola acheguedes a quen non tivemos a oportunidade por medio dos vosos comentarios.
Pedro Varela

Construtores da paz

Deixámosvos un video con frases de distintas personalidades, sempre relacionadas coa paz.

Escritos pola paz

Grazas ao blogue Dinamiza Normaliza chegamos a Maratón de los Cuentos, onde poñen ao dispor da xente lectora un documento con numerosos escritos -na maioria, poemas- envoltos coa paz e que me parecen de grande actualidade; é por esa razón que os deixamos por aquí:

Día da Paz

Entre todos podemos ayudarnos a reflexionar sobre lo que nos indigna la violencia y lo que necesitamos la paz. ¿Se te ocurre algún libro, alguna canción o alguna película que nos pueda interesar y hacer pensar sobre este tema?

Deja tus sugerencias aquí, en los comentarios, y nosotros las difundiremos;puedes consultar la etiqueta "paz e non-violencia" de este blog antes de hacer tus propuestas para que no repitamos la información.

Aquí te hacemos alguna sugerencia nueva:

Película:

Eytan Fox, Caminar sobre las aguas

Libro:

J. Boyne, The Boy in Striped Pyjamas

Canción:

Cat Stevens/ Yusuf Islam, Peace Train

Xuntanza do Clube de Lectura "Ollos Grandes"

O mércores 14 de xaneiro o Clube de Lectura do noso instituto xuntouse para comentar os relatos "Arraianos" de Méndez Ferrín. Os detalles que algún compañeiro pasara por alto foron suliñados e interpretados por outra compañeira, ata pecharmos entre todos unha lectura máis rica e completa.

Pero como non podía ser doutra maneira, as distintas perspectivas deron lugar a animadas conversas sobre a presentación nos medios e na literatura galega da guerra civil. Falouse da represión en Galicia, da tortura gratuita, da transición non modélica, da monarquía anacrónica, do papel da prensa como refuxio de identidades..., ata que o tempo nos botou da biblioteca.

O mércores 11 de febreiro ás 18h volveremos a xuntarnos. Comentaremos "Made in Galiza" de Sechu Sende, unha reflexión irónica e cercana do uso da lingua galega. Por suposto, visitaremos tamén os cerros de Úbeda.

Animamos a todo o alumnado a que acuda a esta xuntanza. Entre todos intentaremos facer unha lectura máis acertada das cousas que acontecen neste mundo tan difícil de comprender.

Con Palestina

Hoxe, toda a comunidade educativa do instituto realizará unha concentración na rúa en sinal de apoio ao pobo de Palestina.
Nas vésperas do Dia da Paz, milleiros de persoas son vítimas da guerra e da falta de comunicación ou, por mellor dicir, da falta de vontade de comunicación e entendemento. Non era o caso de Mahmoud Darwish, poeta palestino falecido recentemente; a súa é unha voz universal e eco dos silenciados e das vítimas do conflito árabe-israeli.
Do blogue Mesturas
reproducimos o poema Escribe que son árabe, símbolo da realidade de acoso que vive, día a día, a poboación de Palestina.
E, se visitas a web de Mahmoud Darwish, quedarás contente de a coñecer.

Escribe que son árabe

Escribe que son árabe
e o número do meu carné é o cincuenta mil;
que teño xa oito fillos,
e chegará o noveno ao final do verán.
Enfadaraste por iso?

***
Escribe
que son árabe,
e cos meus camaradas de infortunio
traballo na canteira.
Para os meus oito fillos
arranco, das rochas,
o anaco de pan,
o vestido e os libros.
Non mendigo esmolas á túa porta,
nin me rebaixo
ante os teus chanzos.
Enfadaraste por iso?
Escribe
que son árabe.
Son nome sen alcume.
Espero, paciente, nun país
no que todo o que hai
existe alporizadamente.
As miñas raíces,
afundíronse antes do nacemento
dos tempos,
antes da apertura das eras,
do ciprés e a oliveira,
antes da primicia da herba.
Meu pai...
da familia do arado,
non de nobres señores.
Meu avó era un labrego,
sen títulos nin nomes.
A miña casa é unha choupana campesiña
de canas e paos,
Aquéceche?...
Son nome sen alcume.

***
Escribe
que son árabe,
que teño o pelo negro
e os ollos castaños;
que, para máis detalles,
cubro a cabeza cun veo;
que son as miñas palmas duras como a rocha
e pinchan ao tocalas.
E gústanme o aceite e o tomillo.
Que vivo
nunha aldea perdida, abandonada,
sen nomes nas rúas.
E todos os seus homes
están na canteira ou no campo...
Enfadaraste por iso?

***
Escribe
Que son árabe;
Que roubaches as viñas de meu avó.
E unha terra que araba,
Eu, con todos os meus fillos.
Que só nos deixaches
estas rochas...
Non vai quitarmas o teu goberno tamén,
como se di...?

***
Escribe, pois...
Escribe
no comezo da primeira páxina
que non aborrezo a ninguén,
nin a ninguén roubo nada.
Mais, que se teño fame,
devorarei a carne de quen a min me roube.
Coidado, pois...!
Coidado coa miña fame,
e coa miña ira!

O Preguntoiro

O Preguntoiro é un xogo que nos oferece o Portal Educativo da Consellaría de Educación.
Ten oito graos de dificuldade -sendo ben fácil en cada un deles- e diferentes temas: arte, bioloxía, etnografía,historia, lingua, literatura,
refráns e xeografía.

Se clicas na imaxe ou no nome do xogo, podes experimentar, en solitario ou contra un máximo de tres persoas.

Concurso de curtas

Está recén convocado un concurso de curtametraxes con unha boa causa: a sensibilización para a doazón de órgaos.

Convócao a Oficina de Coordinación de Transplantes de Galiza, en colaboración co SERGAS e coa Consellaría de Educación e está dirixido a alumnado de Bacharelato e Ciclos de grao medio.

As bases e outra información podes achalas aquí.
Que é o que te priva de participar? Ánimos!!!

Apoia "Chicas 10"

Por primeira vez e dado o interese que apresenta, copiamos literalmente unha información do blogue amigo O Segrel do Penedo, creado desde a Biblioteca Escolar do IES de Fene:

Hoxe queremos facervos unha proposta, Apoiar ao Blog Chicass 10, nominado como Mellor Blog do Ano por RTVE no premio Miradas2.

Para presentarvos este blog que coñecimos o verán pasado nos III Encontros Edublog que se celebraron en Santiago, escollimos esta Carta de Presentación escrita por Lourdes Barroso

"Chicass 10" no es un blog cualquiera, es una ventana abierta en el módulo de mujeres de la cárcel de Teixeiro. Es una experiencia educativa basada en el voluntariado de quienes enseñan y el coraje, la voluntad de superación, y la esperanza de un puñado de mujeres condenadas no solo a la reclusión, sino también a la exclusión social. Este blog se escribe sin Internet, porque en la cárcel no hay acceso a Internet, pero es el motor de arranque de la motivación de quienes publican en él, lo hace con esmero, es su "cuaderno de limpio", la mayor parte de ellas se están alfabetizando, nos muestra su historia y sus aprendizajes. A través del blog han buscado nuestra mirada, nuestro comentario, nuestro apoyo, que va llegando con cuentagotas. El fuerzo realizado, el compromiso, el cambio en lo personal, no se ha visto hasta ahora recompensado por parte de la administración penitenciaria, pero quizás ahora se abra una nueva oportunidad, si entre todos somos capaces de movilizarnos darles nuestro apoyo. Chicass 10 ha sido nominado como mejor blog del año por RTVE.es en los premios Miradas2, tal vez, si somos capaces reunir los votos suficientes, las cosas en Teixeiro puedan cambiar.

"Quizás non consigamos que gañen pero alomenos terán coseguido o noso recoñecemento, necesítano e meréceno".

¡¡Vota Chicass 10!! Nós, xa o fixemos!!

¡¡Difunde esta mensaxe!!.

Tamén en:

El Balcón Abierto

Aula 21

Cuaderno del Profesor

Celso Dourado: Arredor do debuxo

Éste é tamén o título dunha exposición que non debemos perder e que se inaugurará no Museo Provincial o día 9 deste mes ás 20:00 horas, distribuída nas salas 25, 26, 27 e 28.

Continuará aberta até ao 4 de febreiro de 2009 con este horario:
Luns a venres: 10:30 a 14 e de 16:30 a 20:30 h.
Sábados: 10:30 a 14 e de 16:30 a 20 h.
Domingos e festivos: 11 a 14 h.

Se frecuentas a Mariña, é probábel que coñezas este benquerido pintor e ilustrador de Benquerencia (Lugo) onde traballa, desde hai tempo, na creación dun espazo persoal: ao tempo, exposición permanente de arte e vivenda.

Non deixes de a visitar nin de ler as palabras que lle dedica o poeta Xabier Cordal aquí.